A comarca de Valdeorras conta cunha personalidade e historia moi marcada que se reflexa en espazos naturais e monumentos de diferente índole e singularidade. Neste proxecto de Recomenda Valdeorras quixemos ordenar algúns deles para facilitar a todos os visitantes o mellor xeito de poder coñecelos e darlle un sentido ao que supón Valdeorras e a súa historia. Por iso tentouse repartir gran parte do patrimonio histórico e paisaxístico en catro rutas que permitan ao visitante coñecer o máis destacado en base a catro temáticas:
Rutas temáticas relacionadas coa historia e o restos presentes na Comarca de Valdeorras:
- O ouro de Roma
- Fe e feudalismo
Rutas temáticas relacionadas con elementos da natureza específica de esta comarca marcada polo seu microclima atlántico-continentalizado e de alta montaña. Un microclima que é ideal para unhas das explotacións agrícolas máis senlleiras como o é a do viño:
O ouro de Roma: castro, pontes e minas
Con esta ruta descubrirase o patrimonio arqueolóxico da época histórica na que Valdeorras era o centro de interese económico e viario da Gallaecia romana. Por Valdeorras transcurre a Via Nova que unía Astorga con Braga e dela temos vestixios que son importantes e algúns moi descoñecidos.
Percorrido: lugares e monumentos a visitar
- Xacemento do Castrillón: un castro fortificado dos astures situado nun lugar de dificil acceso e gran beleza paisaxística.
Restos da Via Nova: Codos de Larouco e Ponte Bibei. Nesta estrada podemos admirar restos desta estrada e da súa construción.
- Ponte da Cigarrosa: monumento que forma parte da Vía Nova e que ademais conta coa instalación recente dun miliario, coñecido como “miliario de Nerva”, que marca distancias e abre debate de onde estaba o “Forum Gigurrorum”.
- Lápida de Pompeio Reburro: situada fronte á igrexa de Santo Estevo, na Rúa, para coñecer a historia deste pretoriano valdeorrés.
- Castro de Valencia do Sil: castro de finais do Imperio Romano no que se segue a investigar a súa importancia sobre todo relacionado coa produción de pezas de ferro.
- Parque Natural Serra da Lastra: neste parque hai sinalizados os restos do trazado da Vía Nova romana na zona da localidade de Robledo.
