Esta ruta duns 34 quilómetros faise ao redor do encoro de Prada observando a paisaxe de alta montaña e a formada á beira deste embalsamento de auga. Esta senda de dificultade media-alta está rexistrada oficialmente como PR-G 211 e está sinalizada coas típicas marcas de pintura branca e amarela.
HISTORIA
Esta senda de 33,4 quilómetros pode facerse partindo pola beira dereita do río Xares ata o encoro de Prada. Despois volver pola marxe esquerda do río ata a Praia dos Franceses. Neste percorrido circular, de dificultade media-alta, pode facerse andando ou en bicicleta de montaña. Na Oficina de Turismo da Veiga, sobre todo na época estival, pódense alugar bicicletas eléctricas para usar nesta actividade.
A súa dificultade está sobre todo pola lonxitude da senda, aínda que hai varias alternativas para facela en varias etapas, mediante accesos por camiños e pistas dende ás localidades que están a beira do encoro. Durante este percorrido pasarase por: casco urbano da Veiga, área recreativa e Praia do Coiñedo, Casdenodres, Castromarigo, Candeda, Prada, Poboado de Prada, muro do encoro de Prada, Praia da Alberguería, Santa Cristina, Carracedo e Praia dos Franceses.
A paisaxe deste sendeiro está dominada polo encoro de Prada, construído en 1958, e que hoxe en día creou un microclima que condiciona todo o val. Ademais todo o encoro é un lugar moi prezado polos afeccionados á pesca.
