Son moitos os miradoiros dos que podemos gozar recorrendo o Parque Natural da Serra da Lastra. Estes lugares están na súa maioría sinalizados e nalgúns hai paneis explicativos do que se pode ver. Para poder chegar a eles pode facerse mediante vehículo e algúns forman parte das rutas para camiñar polo interior do recinto protexido.
O recorrido para coñecelos son basicamente dúas estradas que percorren o parque e que nos van permitir ir facendo paradas para admirar a beleza deste lugar. A estrada OU-622 dende a localidade de O Real ata chegar a Santo Tirso de Cabarcos (Bierzo) e a outra opción é a estrada Biobra-Vilardesilva-Quereño. A primeira pola parte máis ao norte do parque e a segunda cara o sur da N-120 e bordeando o río Sil.
Os miradoiros que imos destacar no parque Serra da Enciña da Lastra pola súa beleza son:
Mirador de Covas
UBICACIÓN
Mirador de Vilardesilva
UBICACIÓN
Mirador da Cruz
UBICACIÓN
Mirador das Penas de Oulego
UBICACIÓN
HISTORIA
Polo interior do parque hai áreas de descanso-miradoiros acondicionados para poder admirar a beleza da paisaxe coa súa particular flora e fauna. Estes espazos divídense basicamente entre dúas estradas que están polo seu interior:
Na estrada OU 622 que vai dende O Real ata a Santo Tirso de Cabarcos, xa na zona berciana, atópanse entre outros:
– Miradoiro de Oulego: a uns 760 metros de altura ofrece unha boa vista da localidade de Oulego. Hai zona de mesas e espazo para aparcar.
– Miradoiro das Penas (Penedos de Oulego): a uns 820 metros de altura ofrece as mellores vistas da cara norte dos Penedos de Oulego. Conta con zona de mesas para comer e dende ela empeza a ruta circular para camiñar e coñecer esta zona.
Na estrada de Biobra-Vilardesilva-Quereño:
– Alto da Escrita-Biobra: A uns 800 metros de altura, dende este punto vese o val do río Galir e o do Sil cos cortados da montaña de fondo.
– Miradoiro de Vilardesilva: A uns 640 metros é un dos puntos máis destacados para admirar a beleza deste parque co encoro de Penarrubia e o río Sil ao fondo. A localidade de Vilardesilva e as súas zonas de cultivo forman parte do conxunto a admirar.
– Miradoiro da Cruz: Xa pasado o pobo de Vilardesilva de camiño a Pardollán hai outro lugar clave para admirar a paisaxe desta zona cos cortados da montaña de Penarrubia, cos seus 800 metros de altura, e o río Sil ao fondo. Trátase dun pequeno promontorio con zona de banco para sentar e gozar do lugar.
– Mirador de Pardollán: Vista do val do Sil co encoro de Penarrubia e Pardollán como protagonistas
Na estrada N-120 de Ourense a Ponferrada:
– Miradoiro de Covas I (Túnel N-120-Covas): Antes de entrar no último túnel sobre o río Sil para pasar a Castela e León hai un desvío para ir ao pobo de Covas e nel unha área de descanso con vistas ao pobo e o encoro de Penarrubia co río Sil. Na mesma zona, pero en sentido Ourense, hai outro miradoiro desta zona.
– Miradoiro de Covas II: Na mesma estrada N-120 en dirección Rubiá-Ponferrada, antes de entrar no primeiro túnel (túnel de Covas), hai un pequeno desvío cara un promontorio que está a uns 560 metros de altura, con vistas da zona do val de Covas e do río Sil.
