O Concello do Bolo abriu no ano 2022 o primeiro museo de arte da comarca de Valdeorras. A sala está dedicada ao artista local Yosso, José Porto García, e sitúase nun lateral do edificio do colexio público do Bolo.
HISTORIA
As obras do artista, José Porto García, foron cedidas pola familia e o concello fixo unha inversión para abrir este museo singular no que se pode ver parte da obra do artista de Valbuxán. El mesmo definía deste xeito a súa forma de ver a vida: “Si mi vida son dos días daré uno a la pintura y otro a la poesía”: Toda unha declaración de intencións a que nos amosa neste verso o protagonista deste museo.
Quen é Yosso?
José Porto García é coñecido como pintor baixo o nome de Yosso e como poeta como Xosé de Valbuxán (37 libros escritos). Outros nomes polos que se coñece “O cisne de Valbuxán”.
Nace na localidade bolesa de Valbuxán o 31 xaneiro de 1943 e morre no Bolo o 30 de agosto de 2019. A súa vida na súa localidade natal vai formar parte moi importante da súa obra.
Que podemos ver no museo no Bolo?
- 70 cadros que se van ir cambiando co tempo para dar visibilidade a máis de 200.
- Na súa obra ten óleos, pasteis, plumiñas, carbonciños e debuxos como base e tamén como obra.
- Gran parte deles fan referencia a súa vida en Valbuxán, a súa familia e algunhas son pinturas da súa estancia en diferentes localidades de Francia e Madrid.
- Tamén está no museo a súa mesa de traballo, algúns obxectos persoais e libros que auto publicaba.
SABER MÁIS
O BOLO
ENTRADAS YOSSO
606 01 71 05
Teléfono municipal de información turística
