O Santuario da Virxe das Ermidas conta cun vía crucis barroco que completa todo o conxunto
relixioso neste pobo bolés. Está inspirado no que existe no Santuario do Bom Jesús do Monte de Braga (Portugal), aínda que nesta ocasión as 15 estacións están repartidas por toda a aldea o que o fai máis especial. As imaxes son de tamaño natural e policromadas e cada unha das estacións conta coa súa capela que nalgúns lugares forman parte das casas da aldea. A particularidade deste vía crucis chama a atención aos visitantes e tamén que teña 15 estacións e non 14, xa que engaden a da resurrección xusto na entrada do cemiterio parroquial. O conxunto empeza coas catro primeiras estacións no atrio do santuario para continuar pola aldea.
O Venres Santo faise o percorrido relixioso de varias horas facendo as paradas en cada unha das
estacións cos rezos pertinentes.